Mysamachar.in-
ગુજરાત ક્રિકેટ એસોસિયેશનનાં પ્રમુખ તરીકે ધનરાજભાઈ નથવાણીની વરણી કરવામાં આવી છે. GCA ની 86મી વાર્ષિક સભામાં પ્રમુખની વરણી પર મહોર મારવામાં આવી છે. ધનરાજભાઈ નથવાણીની આગામી 3 વર્ષ એટલે કે 2025 સુધી પ્રમુખપદ માટે બિનહરીફ વરણી કરાઈ છે. GCA નાં ઉપપ્રમુખ તરીકે હેમંત કોન્ટ્રાક્ટર, સેક્રેટરી તરીકે અનિલ પટેલ, જોઇન્ટ સેક્રેટરી તરીકે મયુર પટેલ તેમજ ભરત માંડલિયાની ખજાનચી તરીકે પસંદગી કરાઈ છે. ધનરાજ નથવાણીને જય શાહ, પરિમલભાઈ નથવાણી સહીતના આગેવાનોએ શુભકામના પાઠવી હતી. ધનરાજભાઈની પ્રમુખ તરીકેની નિમણુક આવનાર દિવસોમાં ગુજરાત ક્રિકેટ એસોસીએશનને નવી ઊંચાઈઓ પર લઇ જનાર સાબિત થશે તેવું જાણકારો માને છે.
