Mysamachar.in-અમદાવાદ
કહેવાથી ગુજરાતમાં દારૂબંધી છે, પણ છાશવારે દારૂ ઘૂસાડનાર ઇસમો કોઈ પણ તરકીબો અજમાવી ને દારૂ ઘુસાડી દેતા હોય છે, આવી જ વધુ એક તરકીબ નો પોલીસે પર્દાફાશ કયો છે, નારોલ-અસલાલી હાઇવે પરથી રાજસ્થાન પાસિંગની ટ્રકમા ઘઉની બોરીની આડમાં દારૂની હેરાફેરી કરતા બે લોકોને પીસીબીએ ઝડપી પાડ્યા છે. પોલીસને આ રેડ દરમિયાન વિદેશી દારૂની બોટલ 230 પેટી જેની કીમત 11,04,400, ઘઉની બોરી નંગ-480, મોબાઇલ તથા ટ્રક મળી કૂલ 22,62,000ના મુદામાલ સાથે બે આરોપીઓની ધરપકડ કરી લીધી છે.
હરિયાણાથી દારૂ ભરી અમદાવાદ રાજુ નામના શખ્સને ફોન કરી આપવાનો હોવાનું બહાર આવ્યું છે. રાજસ્થાન પાસિંગવાળા ટ્રકમાં હરિયાણાથી દારૂ ભરીને અમદાવાદ લવાઈ રહ્યો છે અને નારોલ- અસલાલી હાઇવે પરથી પસાર થવાની છે.પોલીસને મળેલી બાતમીના આધારે સતર્ક થઈને વોચ ગોઠવાઈ હતી. ત્યાં આ ટ્રક આવતા જ પોલીસે તેને રોકી પૂછપરછ કરતા ટ્રકચાલક નવદીપ બિશનોઈ અને ક્લીનર અક્ષય બિશનોઈ હોવાનું કહ્યું હતું. ટ્રકમાં તપાસ કરતા ઘઉંની બોરીઓની પાછળ વિદેશી દારૂનો જથ્થો મળી આવ્યો હતો.
