Mysamachar.in-અમદાવાદ
વારંવાર અકસ્માતો માટે અમદાવાદની BRTS જાણીતી છે, એવામાં આજે એક વિચિત્ર અકસ્માતની ઘટના સામે આવી છે, જે વિચારતા કરી દે તેવી છે કે આ બન્યું કઈ રીતે..? આજે અમદાવાદ શહેરના અખબારનગર અન્ડરબ્રિજમાં આખી બસ જ ઘૂસી જતાં બસનાં બે ફાડિયાં થઈ ગયાં હતાં, જેને પગલે બે લોકોને ઈજા પહોંચી છે. આ બે ઈજાગ્રસ્તમાંથી ડ્રાઈવરને ગંભીર ઈજા પહોંચી છે. જાણવા એવું પણ મળી રહ્યું છે કે BRTS બસ શહેરના અખબારનગર અન્ડરબ્રિજ પાસેથી પસાર થઈ રહી હતી ત્યારે એક ટૂ-વ્હીલરચાલક આડે આવ્યો હતો, જેને બચાવવા જતાં આ અકસ્માત થયો હોવાની પ્રાથમિક માહિતી પ્રાપ્ત મળી રહી છે. જો કે સદનસીબે બસમાં બે-ચાર લોકો જ હતા, જો કે અકસ્માત થતા આખી બસ જ અન્ડરબ્રિજમાં ઘુસી જતા બસના બે ફાડિયા થઈ ગયા હતા.
