Mysamachar.in-જામનગર:
નૂતન વર્ષ વિક્રમ સવંત 2081 સ્નેહ મિલન યોજાયું. નવા વર્ષ નું “સ્નેહ મિલન” અને સંગઠન પર્વ \ના સમન્વય સમયે ભારતીય જનતા પાર્ટી જામનગર મહાનગર દ્વારા ઓશવાળ સેન્ટર ખાતે સ્નેહ મિલનનું આયોજન કરવામાં આવેલ. પક્ષના નેતા, હોદેદારો, ઉપરાંત એન.જી.ઓ,સામાજિક સંસ્થા, કાર્યકર્તાઓ ઉપરાંત પક્ષના સમર્થકો પણ ઉપસ્થિત રહ્યા. “સ્નેહ મિલન” એટલે નવા વર્ષે નવી દિશાઓ, નવા જોશ ને વધાવવાનો અવશર, વર્ષ દરમિયાન પ્રજાહિતમાં કરેલ કામગીરી, આગામી સમયના આયોજન ન રજુ કરવાનો અવસર હોય તેમ લાગ્યું
ભારતીય જનતા પાર્ટી શહેર અધ્યક્ષ ડો. વિમલભાઈ કગથરા દ્વારા સ્વાગત પ્રવચન કરવામાં આવેલ. તેઓએ જણાવેલ કે, આપણે ગત સમય કરતા વધુ સભ્યો જોડેલ છે. તેઓએ વધુમાં જણાવેલ કે, સંગઠન પર્વ દરમિયાન ભારતીય જનતા પાર્ટીના કાર્યકર્તાઓ દ્વારા પ્રાથમિક સભ્યો બનાવવા કામગીરી હાથ ધરાઈ, અને જામનગર શહેરમાં 1,35,000 થી વધુ સભ્યોની નોંધણી કરવામાં આવી, સાથે સાથે હાલ પક્ષમાં સક્રિય સભ્યોની નોંધણી પણ ચાલી રહી છે. આગામી સમયમાં વોર્ડ સ્તરના પ્રમુખોની નિમણુંકની જેહેરાતો કરવામાં આવેશે. વિશેષથી તેઓ એ જણાવેલ કે, જામનગર શહેર માટે સાંસદ પૂનમબેન માડમ સાંસદ તરીકે, તથા નરેન્દ્રભાઈ મોદીએ પ્રધાનમંત્રી તરીકે સતત ત્રીજીવાર શપથ લીધા છે, તેના સાક્ષી અને સહયોગી આપણે બન્યા છીએ, આપણા માટે ગર્વની વાત છે.
ધારાસભ્ય મેઘજી ચાવડા એ પોતાના ઉદબોધનમાં જણાવેલ કે, સ્નેહ મિલનએ સ્નેહથી મળવાનો, કાર્યકર્તાઓને સમ્માનનો કાર્યક્રમ છે. “વાદ નહિ, વિવાદ નહિ – કમળ શિવાય વાત નહિ” એ યાદ રાખી આવનારા સમય માં ભાજપ ને જિતાડીએ.
જામનગર દક્ષીણ વિધાનસભાના ધારાસભ્ય દિવ્યેશભાઈ અકબરીએ શહેરમાં વિકાસ કાર્યોનો અહેવાલ કાર્યકર્તા સમક્ષ રજુ કરેલ, જેમાં – જી.જી. હોસ્પિટલ તથા એસ.ટી. બસ સ્ટેન્ડના નવીનીકરણનું કાર્ય હાથ ધરી દેવામાં આવેલ છે, બ્રુકબોન્ડ ગ્રાઉન્ડમાં જિલ્લા કક્ષાનું સાયન્સ સેન્ટર, બ્રુકબોન્ડ ગ્રાઉન્ડ સ્પોર્ટ સંકુલ 30 કરોડના ખર્ચે તૈયાર થનાર છે. હાલ ભુજીયો કોઠો – ફેઇઝ ૨ તથા તળાવની પાડ પાર્ટ – 2 પણ કાર્યરત છે. અમૃત ગ્રાન્ટ રૂ 450 કરોડ માંથી ભૂગર્ભ ગટર, નાઘેડી વિસ્તારમાં પાણી માટે નવો એ.એસ.આર ફિલ્ટર પ્લાન્ટ રૂ 40 કરોડ, લાલપુર ચોકડી એસ.ટી.પી પ્લાન્ટ ડ્રેનેજ કામો ઉપરાંત ઉદ્યોગ નગર રોડ નવીનીકરણની કામગીરી થયેલ છે (પ્રોજેક્ટ આરંભેલ છે), આગામી સમય માં કાલાવડ ચોકડી 6 લેન ફ્લાયઓવર બ્રિજ રૂ 77 કરોડ ના ખર્ચે, લાલવાડી વિસ્તારમાં નવું ઓડિટોરિયમ (32 કરોડ) પાર્ટી પ્લોટ, નવા સ્પોર્ટ્સ સંકુલ રૂ 35 કરોડ, એસ.ટી. વર્કશોપ 15 કરોડ ના કામો આગામી સમય માં હાથ ધરવામાં આવશે. આ સાથે તેમને સૌ કાર્યકર્તાઓ ને નવા વર્ષની શુભકામના પાઠવેલ. વિકાસ કાર્યો માટે માટે જનતાના સૂચનો પણ આવકાર્ય છે, તેવું તેમને જણાવેલ. તેઓ એ વધુમાં જણાવેલ કે, વિક્સિત રાષ્ટ્રના અભિયાનમાં દરેકને જોડાવા આહવાન કર્યું. પાણી, વીજળી બચાવા તથા સ્વચ્છતા જાળવવા અનુરોધ કર્યા,
ગુજરાત રાજ્ય મંત્રી તથા પ્રભારી મુળુભાઈ બેરા, કૃષિમંત્રી રાઘવજીભાઈ પટેલ, ગુજરાત રાજ્ય પૂર્વ અધ્યક્ષ આર.સી.ફળદુ સાહેબ, ગુજરાત રાજ્ય પૂર્વ રાજ્યમંત્રી ધમેન્દ્રસિંહ જાડેજા એ સૌ કાર્યકર્તાઓ એન નવા વર્ષ નિમિતે શુભેચ્છા સંદેશ પાઠવેલ.
સાંસદ પૂનમબેન માડમએ દરેક કાર્યકર્તાને સુખમય અને નિરોગી જીવનની શુભકામના પાઠવેલ. કાર્યકર્તાની તાકાત શું, તેનો સાક્ષાત્કાર ગતવર્ષની લોકશભાની ચૂંટણી દરમિયાન થયો. જે બદલ તેઓએ કાર્યકર્તાઓને વિશેષથી અભિનંદન પાઠવ્યા. તેઓએ જણાવેલ કે કાર્યકર્તા કેટલા સક્ષમ છે, તે ચૂંટણી પરિણામો જણાવી આપે છે. એ પરીક્ષા આપણા કાર્યકર્તાએ સફળતાથી પાર પડી છે. ભાજપની તાકાત જ પાર્ટીના કાર્યકર્તા છે. પારિવારિક વાતાવરણમાં દરેક કાર્યકર્તા અડીખમ ઉભા રહ્યા. ગત ચૂંટણીમાં નવો ઇતિહાસ રચવા માટે, આ લડાઈમાં, આ સંઘર્ષમાં સાથે ઉભા રહેવા બદલ કાર્યકર્તાઓનો હૃદયપૂર્વક આભાર માનેલ. તેઓએ વિશેષ થી જણાવેલ કે, જનસંઘથી લઇને પાર્ટીના વિચારોને અક્ષરસહ નિભાવ્યો હોય તો તે મોદીજી છે. સૌ કાર્યકર્તાઓને નવા વર્ષની શુભકામના પાઠવેલ.
આ કાર્યક્રમમાં શહેર અધ્યક્ષ ડો. વિમલભાઈ કગથરા, સાંસદ પૂનમબેન માડમ, મહામંત્રી પ્રકાશભાઈ બામણીયા, વિજયસિંહ જેઠવા, મેરામણભાઇ ભાટુ, ધારાસભ્ય દિવ્યેશ અકબરી, મેઘજીભાઈ ચાવડા, પ્રભારી પલ્લવી ઠાકર, મેયર વિનોદ ખીમસુરિયાં, ડે. મેયર ક્રિષ્નાબેન સોઢા, દંડક કેતન નાખવા, સ્ટે. કમિટી ચેરમેન નિલેશ કગથરા, શિક્ષણ સમિતિ ચેરમેન પરષોત્તમ કકનાણી, વાઇસ ચેરમેન દિનેશભાઇ આલ, પૂર્વમંત્રી વસુબેન ત્રિવેદી, પૂર્વ ધારાસભ્ય લાલજીભાઈ સોલંકી, મનહરભાઈ ઝાલા, પૂર્વ શહેર અધ્યક્ષ હસમુખ હિંડોચા, હિતેનભાઈ ભટ્ટ, નિલેશ ઉદાણી, અશોક નંદા, મુકેશ દાશાણી, પૂર્વ મેયર બીનાબેન કોઠારી, હસમુખ જેઠવા, પ્રતિભાબેન કનખરા, દિનેશ પટેલ, સનતભાઈ મહેતા સહીત કાર્યકર્તા, મોરચા અધ્યક્ષ તથા કાર્યકર્તાઓ, પક્ષ ના કાર્યકર્તાઓ, વોર્ડ પ્રમુખો, પ્રભારીઓ, મહિલા મોરચા, બક્ષીપંચ મોરચા, યુવા મોરચા, અનુ.મોરચો, કિશાન મોરચો, વોર્ડ સમિતિના પદાધિકારીઓ, પેઈજ પ્રમુખો સહીત વિશાળ સંખ્યામાં કાર્યકર્તાઓ, એન.જી.ઓ, સામાજિક સંસ્થાઓ સમર્થકો ઉપસ્થિત રહ્યા હતા. કાર્યક્રમનું સફળ સંચાલન ગોપાલ સોરઠીયા તથા વસંતભાઈ ગોરી દ્વારા કરવામાં આવેલ. ભારતીય જનતા પાર્ટી મીડિયા વિભાગના કન્વીનર ભાર્ગવ ઠાકર તથા સહકન્વીનર દીપા સોનીની સંયુક્ત યાદીમાં જણાવવામાં આવેલ છે.
