Mysamachar.in-જામનગર:
રાજ્યની ભુપેન્દ્ર પટેલ સરકારના મંત્રીમંડળમાં સીનીયર મંત્રી તરીકેનું સ્થાન ધરાવતા અને ખેડૂત નેતા એવા જામનગર ગ્રામ્યના ધારાસભ્ય અને રાજ્યના કૃષિ પશુપાલન મંત્રી રાઘવજીભાઈ પટેલ ના માત્ર જામનગર કે સૌરાષ્ટ્ર પણ રાજ્યના ખેડૂતોમાં એક અનોખું માન ધરાવે છે, તેવો તેમના વર્ષોના અનુભવ અને કોઠાસૂઝથી ખેડૂતોના હિતમાં સરકારમાંથી અગત્યના નિર્ણયો કરાવવામાં મહત્વની ભૂમિકા ભજવે છે જે બાબત પણ સર્વવિદિત છે.
દિપાવલી બાદ નૂતન વર્ષ નિમિતે સર્વે કાર્યકરોને શુભેચ્છા પાઠવવાની ભારતીય જનતા પાર્ટીની પરંપરા અનુસાર ૭૭-જામનગર (ગ્રામ્ય) વિધાનસભાનું સ્નેહ મિલન ગત શનિવારે ખીજડીયા બાયપાસ ચોકડી ખાતે યોજવામાં આવેલ. આ સ્નેહમિલનમાં જામનગર (ગ્રામ્ય) વિસ્તારના લોકપ્રિય ધારાસભ્ય, રાજયમાં કૃષીમંત્રીનું ગૌરવવંતુ સ્થાન શોભાવતા ખેડૂતપુત્ર રાઘવજીભાઈ પટેલે સૌ કાર્યકરોને શુભેચ્છાઓ પાઠવી પોતાના પ્રાસંગિક ઉદબોધનમાં ઠેબા ચોકડી પાસે ઓવરબ્રીજ મંજુર કરાયાનું જાહેર કરેલ, જેને સૌએ હર્ષથી વધાવી લીધેલ. આ ઉપરાંત રાઘવજીભાઈ પટેલે ખેડૂતોના પ્રશ્ને રાજય સરકાર સતત સજાગ હોવાનું જણાવી ઉમેરેલ કે કોઈ ખેડૂતોને ખાતરની તંગી નહીં રહે તેવો વિશ્વાસ આપેલ અને વિરોધપક્ષો દ્વારા ફેલાવેલ અફવામાં ન દોરાવા જણાવી કહેલ કે યુરીયાનો પુરતો જથ્થો આપણી પાસે ઉપલબ્ધ છે.
સાંસદ પુનમબેન માડમે સ્નેહમિલન પ્રસંગે પ્રાસંગીક ઉદબોધનમાં જણાવેલ કે પ્રધાનમંત્રી નરેન્દ્ર મોદીએ જગાવેલ વિકાસ જયોત આપણા વિસ્તારમાં પણ સુપેરે પહોંચેલ છે તેમજ વિશ્વભરમાં ભારતનું નામ ઉચું થયેલું જણાવવા ઉપરાંત જિલ્લામાં સૌથી પહેલી વંદે ભારત ટ્રેન બઇલ પ્રધાનમંત્રીનો આભાર માનેલ અને સૌને અભિનંદન પાઠવેલ. જિલ્લા પ્રભારી મંત્રી મૂળુભાઈ બેરાએ રાજય સરકારના વિકાસના કામો વર્ણવી જામનગર જિલ્લામાં પ્રવાસન ક્ષેત્રે થયેલ કામોની છણાવટ કરી સૌને શુભેચ્છાઓ પાઠવેલ. સ્નેહમિલન પ્રસંગે ધારાસભ્ય મેઘજીભાઈ ચાવડા, ધારાસભ્ય દિવ્યેશભાઈ અકબરી, શહેર ભાજપ પ્રમુખ ડો. વિમલભાઈ કગથરા, જિલ્લા ભાજપ મંત્રી કુમારપાલસિંહ રાણાએ પ્રાસંગીક ઉદબોધન કરેલ,
આ સ્નેહમિલનમાં જિલ્લા ભાજપ મહામંત્રી અભિષેક પટવા, પૂર્વ ધારાસભ્ય ચિરાગ કાલરીયા, પ્રદેશ કારોબારી સભ્ય ડો. વિનોદ ભંડેરી, જાડાના પૂર્વ ચેરમેન દિલીપસિંહ ચુડાસમા, જિલ્લા પંચાયતના પૂર્વ પ્રમુખ ધરમશી ચનીયારા, પ્રદેશ કિશાન મોરચાના મંત્રી સુરેશ વસરા, જિલ્લા પંચાયત, તાલુકા પંચાયતના ચૂંટાયેલ સદસ્યો, સરપંચો, બુથ સમિતિથી લઈ, જિલ્લા કક્ષાના કાર્યકરો, પદાધિકારીઓ, મોરચાના આગેવાનો સહિત લેઉવા પટેલ સમાજના પ્રમુખ મનસુખભાઈ રાબડીયા, સતવારા સમાજના આગેવાન માવજીભાઈ વગેરે ઉપસ્થિત રહેલ. સમગ્ર વાતાવરણ વંદેમાતરમ અને ભારત માતાકી જયના જયઘોષથી ગુંજી ઉઠયું હતું. આ સ્નેહમિલનનું સંચાલન જિલ્લા ભાજપ મહામંત્રી દિલી ભોજાણીએ કરેલ હોવાનું મીડીયા સેલના કન્વીનર નરેન્દ્રસિંહ પરમારની યાદીમાં જણાવાયું છે.
