Mysamachar.in-અમદાવાદ:
રાજ્યના રાજકોટ અમદાવાદ હાઈવે અને અમદાવાદના ધોળકા નજીક વારંવાર ગમખ્વાર અકસ્માતોની ઘટનાઓ સામે આવતી રહેતી હોય છે એવામાં આજે વહેલી સવારે આ હાઈવે ફરી રક્તરંજીત બન્યો છે અને 5 લોકોએ જિંદગીનો ભોગ લેવાઈ ગયો છે, આ અંગે મળતી માહિતી મુજબ અમદાવાદ ધોળકા હાઈવે પર ગંભીર અકસ્માતમાં મોતને ભેટનાર તમામ શ્રમિકો હોવાનું સામે આવ્યું છે, કાર-ડમ્પર પાછળ અથડાતા 5 શ્રમિકોનાં ઘટનાં સ્થળે જ મોત નિપજ્યા હતા.
અમદાવાદના ધોળકાના પુલેન સર્કલ પાસે આજે વહેલી સવારે સાડા ચાર વાગ્ય આસપાસ આ ગમખ્વાર અકસ્માત સર્જાયો જેમાં બંધ ડમ્પર પાછળ બોલેરો ઘૂસી જતા 5 લોકોના ઘટનાસ્થળે જ કમકમાટીભર્યા મોત નીપજ્યા હતા, જ્યારે 2 લોકોને ગંભીર ઇજા પહોંચતા અમદાવાદ હોસ્પિટલ ખસેડાયા છે. અકસ્માતની જાણ થતા જ પોલીસ ઘટનાસ્થળે દોડી ગઈ હતી અને વધુ તપાસ હાથ ધરી છે. દાહોદના શ્રમિકો મજૂરી કામ માટે બોલેરોમાં બેસી રાણપુર જઈ રહ્યા હતા. ત્યારે ધોળકાના પુલેન સર્કલ પાસે બંધ ડમ્પર પાછળ ઘૂસી ગઈ હતી. આ ઘટનામાં બોલેરોનો કચ્ચરઘાણ વળી ગયો હતો.પોલીસે મૃતકોના પોસ્ટ મોર્ટમની કાર્યવાહી હાથ ધરી છે જયારે ઈજાગ્રસ્તોની સારવાર ચાલી રહી છે.
