Mysamachar.in-અમદાવાદ
દારૂ ઘુસાડવા માટે બુટલેગરો અલગ-અલગ તરકીબ અપનાવતા હોય છે. એવામાં વધુ એક વખત અનોખી તરકીબ અજમાવી દારૂની હેરફેરને પોલીસ ઝડપી પાડી છે. અમદાવાદ ક્રાઈમ બ્રાન્ચની ટીમને માહિતી મળી હતી કે અમદાવાદના નરોડા વિસ્તારમાં આવેલ મુઠીયા ગામના ટોલ ટેક્સ બુથ પાસેથી એક સ્કોર્પિયો કાર પસાર થવાની છે. જેમાં દારૂ ભરેલો છે. ક્રાઈમ બ્રાન્ચે બાતમીના આધારે કાર્યવાહી શરૂ કરી અને કારને રોકી તપાસ કરી તો પહેલા કારમાં કાંઈ મળ્યું ન હતું પરંતુ ત્યાર બાદ કારમાં તપાસ શરૂ કરી તો એક ચોરખાનું મળી આવ્યું જેમાંથી કુલ 286 દારૂની બોટલ કબ્જે કરી હતી અને આરોપી બનેસિંગ ભાટીની ધરપકડ કરી છે. પોલીસ તપાસમાં સામે આવ્યું છે કે આરોપી રાજસ્થાન બાડમેરથી પોતાના સાળા શંભુસિંગની સ્કોર્પિયો કારમાં દારૂ લઈને સુરત લઈ જઈ રહયો હતો.
