Mysamachar.in- મહેસાણા:
ગુજરાતમાં પહેલીવાર 1225 હજાર લોકોને ફૂડ પોઈઝનિંગ થયુ હોવાનો કિસ્સો બન્યો છે. મહેસાણા જીલ્લાના વિસનગરના સવાલા નજીક લગ્નના જમણવાર બાદ 1225 લોકોને ફૂડ પોઈઝનિંગ થયુ છે. આટલી મોટી સંખ્યામાં પહેલીવાર ફૂડ પોઈઝનિંગનો કિસ્સો બન્યો છે. અસરગ્રસ્તોને મહેસાણા, વિસનગર અને વડનગરની હોસ્પિટલમાં દાખલ કરાયા છે. મહેસાણામાં મોટી સંખ્યામાં ફૂડ પોઈઝનિંગની અસરનો કિસ્સો સામે આવ્યો છે. વિસનગરના સવાલા નજીક લગ્ન પ્રસંગમાં 1225 લોકોને ફૂડ પોઈઝનિંગ થયું છે. લગ્ન પ્રસંગમાં ભોજન લેનારા લોકોને બાદમાં ફૂડ પોઈઝનિંગની અસર થઈ હતી. લગ્ન પ્રસંગમાં ખાસ નોનવેજ ખાનાર લોકો માટે ભોજન સમારંભ યોજ્યો હતો. જ્યાં એકસાથે 1225 લોકોને ફૂડ પોઝનિંગ દોડધામ થયુ હતું. ફૂડ પોઈઝનિંગની ઘટનાથી જિલ્લા તંત્ર દોડતું થયું હતું.
આ બનાવ બાદ રાજ્યના આરોગ્યમંત્રી ઋષિકેશ પટેલ અને જિલ્લા કલેક્ટરે દર્દીઓની મુલાકાત લીધી હતી. તમામ દર્દીઓને મહેસાણા, વિસનગર અને વડનગરની હૉસ્પિટલમાં દાખલ કરાયા હતા. આટલા લોકોને એકસાથે ફૂડ પોઈઝનિંગ થતા આરોગ્ય વિભાગમાં દોડધામ મચી ગઈ હતી. મહેસાણા કલેક્ટરે ઘટનાના અપડેટ આપતા કહ્યું કે, હાલ દર્દીઓની તબિયત સુધારા પર છે. દર્દીઓને 02762-222220/222299 પર સંપર્ક કરવા વિનંતી કરાઈ છે. લગ્ન સમારોહમાં જેટલા લોકોને ફૂડ પોઈઝનિંગની અસર થઈ હતી, તેમાંથી 95 ટકા જેટલા લોકોને સારવાર બાદ રજા અપાઈ હતી. હાલમાં વિસનગર વડનગર મહેસાણામાં કુલ 40 જેટલા દર્દીઓ સારવાર હેઠળ છે. વધુમાં કેટરર્સના કર્મચારીઓને પણ ફૂડ પોઇઝનિંગની અસર થઈ હતી. તેઓએ નોનવેજ ખાધા બાદ તબિયત લથડી હોવાનું જણાવ્યુ હતું.
