Mysamachar.in-દેવભુમી દ્વારકા:
દેવભુમી દ્વારકા જીલ્લ્લાના ખંભાળિયા તાલુકાના ભારા બેરાજા ગામે ગત સાંજે એલસીબીએ બાતમીના આધારે જુગારના અખાડા પર દરોડો પાડી અને આ ગામના જીતુ રણમલ રૂડાચ નામના શખ્સ દ્વારા ચલાવતા જુગારના અખાડામાંથી એક મહિલા સહિત 10 વ્યક્તિઓને પકડી પાડ્યા હતા. આ દરોડામાં રૂપિયા 6.63 લાખની રોકડ રકમ સહિત કુલ રૂપિયા 13.39 નો મુદ્દામાલ કબજે કરવામાં આવ્યો છે.
આ સમગ્ર પ્રકરણની પોલીસ દ્વારા જાહેર કરવામાં આવેલી વિગત મુજબ દેવભૂમિ દ્વારકા જિલ્લા પોલીસ વડા જયરાજસિંહ વાળાની સૂચના મુજબ એલસીબીની ટીમ દ્વારા જુગાર સામે કરવામાં આવેલી કાર્યવાહીમાં એલસીબીના પી.આઈ. કે.કે. ગોહિલના માર્ગદર્શન હેઠળ રવિવારે એલસીબીની ટીમ દ્વારા એ.એસ.આઈ. અરજણભાઈ ચંદ્રવાડીયા, ખીમાભાઈ કરમુર અને પરેશભાઈ સાંજવાને મળેલી ચોક્કસ બાતમીના આધારે ખંભાળિયાથી આશરે 24 કિલોમીટર દૂર ભારા બેરાજા ગામે રહેતા જીતુ રણમલ રૂડાચ નામના શખ્સ દ્વારા પોતાની વાડીએ આવેલા મકાનમાં પોતાના અંગત કાયદા માટે નાલ ઉઘરાવીને ગંજીપાના વડે રમાડાતા જુગારના અખાડા પર રવિવારે સાંજે દરોડાની કાર્યવાહી કરવામાં આવી હતી.
-દરોડા દરમિયાન પોલીસે કોને કોને ઝડપી પાડ્યા
જીતુ રણમલ રૂડાચ,
રાકેશ લખમણ નકુમ (રહે. ગઢકા),
જયસુખ માધા કણજારીયા (રહે. દ્વારકા),
ઘેલુ વેરશી ભુવા (રહે. મોટા માંઢા),
ડાડુ કરણા ભાટિયા (રહે. જામનગર),
કમલેશ વેરશી ભુવા (રહે. મોટા માંઢા),
હરદાન મેઘા રૂડાચ (રહે. ભાડથર),
ગોપાલ હરી જામ (રહે. જામનગર),
અરસી સામત નંદાણીયા (રહે. જામનગર)
-સ્થળ પરથી શું મળ્યું..?
આ કાર્યવાહીમાં પોલીસે જુગારીઓ પાસેથી રૂ. 6,63,200 ની રોકડ રકમ ઉપરાંત રૂ. 1,76,000 ની કિંમતના 10 નંગ મોબાઈલ ફોન તેમજ રૂપિયા પાંચ લાખની કિંમતની એક આર્ટિગા મોટરકાર સહિત કુલ રૂપિયા 13,39,200 નો મુદ્દામાલ કબજે કર્યો હતો. જે અંગે ખંભાળિયા પોલીસે એલસીબીના હેડ કોન્સ્ટેબલ ખીમાભાઈ કરમુરની ફરિયાદ પરથી તમામ આરોપીઓ સામે જુગારધારાની કલમ હેઠળ ગુનો નોંધ્યો હતો.
