My samachar.in જામનગર
વડાપ્રધાન નરેન્દ્ર મોદી અને કેન્દ્રીય ગૃહમંત્રી અમિત શાહ અમદાવાદના રાણીપ અને નારણપુરા મતવિસ્તારમાં નોંધાયેલા મતદારો છે. આજે સવારે આ બંને મહાનુભાવોએ પોતપોતાના મતદાનમથકે મતદાન કર્યું હતું. વડાપ્રધાન રાણીપ વિસ્તારના મતદાર છે, આ વિસ્તાર અમદાવાદની સાબરમતી વિધાનસભા બેઠક હેઠળ આવેલો છે અને આ વિધાનસભા બેઠક અમિત શાહ જ્યાંથી ચૂંટણી લડી રહ્યા છે એ ગાંધીનગર લોકસભા મતવિસ્તારમાં આવેલી છે. આ ઉપરાંત અમિત શાહે અમદાવાદના નારણપુરા વિસ્તારમાં પોતાનું મતદાન કર્યું હતું. બંને મહાનુભાવો આ મતદાન માટે કાલે સોમવારે સાંજે જ અમદાવાદ આવી પહોંચ્યા હતાં. વડાપ્રધાને રાત્રિરોકાણ ગાંધીનગરમાં રાજભવન ખાતે કર્યું હતું.
