Mysamachar.in-જામનગર:
જામનગર નજીક લાલપુર બાયપાસથી જામનગર જતા રોડ પર એક યુવક સૂતા સૂતા બાઇક ચલાવી સ્ટંટ કરતો હોવાનો વિડીયો સોશ્યલ મીડિયામાં વાઈરલ થયા બાદ અંતે પોલીસે જાગી અને આ રીતે હાઈવે પર સ્ટંટ કરનાર યુવક વિરુદ્ધ ગુનો નોંધ્યો છે. મળતી વિગતો મુજબ જામનગરના રામનગર વિસ્તારમાં સલીમ બાપુના મદ્રેસા પાસે રહેતો જાવીદ ખાલિદભાઈ ચમડીયા નામનો શખ્સ કે જે ગત 26 તારીખના બપોરે ચારેક વાગ્યાના અરસામાં લાલપુર બાયપાસ ચોકડી થી જામનગર તરફ પોતાનું બાઈક પર સુતા સુતા બાઈક ચલાવી અને સ્ટંટ કરી રહ્યો હતો, અને અન્ય રાહદારીઓની જિંદગી જોખમાય તે રીતે બાઈક પર સુતા સુતા સ્ટંટ કરીને આવી રહ્યો હતો. જે અંગે વિડીયોને સમાચાર માધ્યમોએ ગંભીરતાથી લેતા પોલીસને પણ આ મામલે કાર્યવાહી કરવાની ફરજ પડી અને પંચકોશી બી. ડિવિઝન પોલીસે તેની અટકાયત કરી અને બાઈક કબજે કર્યું છે.
