Mysamachar.in-ભરૂચ:
તાજેતરમાં સુરત શહેરમાં એક મકાનની દીવાલ ધરાશાયી થતા 2 લોકોના મોત નીપજયા હતા, ત્યાં જ આજે રાજ્યના ભરૂચ શહેરના બંબાખાનાના કુંભારીયા ઢોળાવ પાસે આવેલું એક મકાન વહેલી સવારે અચનાકથી ધરાશાયી થઇ થતાં ભારે દોડધામ મચી ગઈ હતી. આ ઘટનામાં એક જ પરિવારના ત્રણ લોકોના મોત નીપજ્યા છે, જ્યારે એક યુવતીને રેસ્ક્યુ કરીને બચાવી લેવામાં આવી છે. ઘટના બની ત્યારે અંદર ઉંઘી રહેલો પરિવાર અકસ્માતમાં દટાઈ ગયો હતો,બીજી તરફ બનાવની જાણ થતાં જ પોલીસ અને ફાયર વિભાગની ટીમ ઘટનાસ્થળે પહોંચી કાર્યવાહી શરૂ કરી હતી.
