Mysamachar.in-અમદાવાદ:
રાજસ્થાનની એસટી બસનો ડ્રાઈવર દારૂના જથ્થા સાથે ઝડપાતા ચકચાર મચી ગઇ છે. ભવરસિંઘ શેખાવત નામના ડ્રાઈવરને દારૂના જથ્થા સાથે પાલડી પોલીસે ઝડપી પાડ્યો હતો. મળેલી બાતમીના સર્વેલન્સ સ્ટાફના કર્મચારીઓએ એસટી બસની તપાસ કરતા ડ્રાઈવર પોતે દારૂની હેરાફેરી કરતો ઝડપાયો છે. રાજસ્થાનના જોધપુરથી અમદાવાદ રૂટની બસમાં દારૂની હેરાફેરી થતી હતી. મુસાફરોની સાથે જોધપુરથી અમદાવાદમાં દારૂનો જથ્થો લાવવામાં આવતો હતો. એસટીનો બસ ડ્રાઈવર ભવરસિંઘ શેખાવત, પોતાની સીટ નીચે મૂકી દારૂની હેરાફેરી કરતો હોવાનું સામે આવ્યું છે, અલગ અલગ ભારતીય બનાવટની 52 જેટલી વિદેશી દારૂ અને બિયરનો જથ્થો પાલડી પોલીસે કબ્જે કર્યો છે. રાજસ્થાન પરિવહન નિગમ માટે કોન્ટ્રાક્ટ પર રહેલી વોલ્વો બસ ચલાવતો હતો જો કે પોલીસ આ દારૂ કોને પુરો પાડતો હતો તે અંગે પોલીસ તપાસ ચલાવી રહી છે.
