Mysamachar.in-અમદાવાદ
વધુ એક વખત રાજ્યમાં થી દારૂની રેલમછેલ થતી અટકી છે, ટ્રકમાં ચોરખાનું બનાવી દારુ ઘૂસે પૂર્વે જ પોલીસે ઝડપી પાડ્યો છે, અમદાવાદ જિલ્લા પોલીસે અમદાવાદમાં સપ્લાય થતાં દારુની 1092 બોટલો ઝડપી લીધી છે. પોલીસે બગોદરા ટોલ ટેક્સ પાસે રાજકોટ ગાંધીનગર હાઈવે પર ટ્રકમાં દારુ લઈ જતો હોવાની બાતમી મળી હતી. જે બાતમીને આધારો પોલીસે હાઈવે પર શંકાસ્પદ ટ્રકને રોકતાં તેમાંથી દારુની 1092 બોટલો ઝડપાઈ હતી. પોલીસે ટ્રકના ડ્રાઈવર ડાહ્યાલાલ કલાલની ધરપકડ કરીને વધુ કાર્યવાહી હાથ ધરી છે.
આ ટ્રકની તપાસ કરતાં પોલીસને ટ્રકમાં બનાવવામાં આવેલ એક ગુપ્ત ખાનામાંથી અંગ્રેજી દારુની 1092 બોટલો મળી હતી. પોલીસે ટ્રકના ડ્રાઈવરની પૂછપરછ કરતાં તે મુળ રાજસ્થાનનો હોવાનું જાણવા મળ્યું હતું. હાલમાં પોલીસે દારુની 1092 બોટલો કબજે લઈને ટ્રક ડ્રાઈવર ડાહ્યાલાલ કલાલની ધરપકડ કરી છે.
