Mysamachar.in-અમદાવાદ
આમ તો સામાન્ય લોકો એવું માનતા હોય છે કે પોલીસ મથક એટલે સુરક્ષિત…અને ત્યાં રહેલ વસ્તુઓ પણ સુરક્ષિત…પણ અમદાવાદમાં એક એવો કિસ્સો સામે આવ્યો જેમાં તસ્કરોએ જાણે પોલીસને જ પડકાર ફેંક્યો હોય તેમ પોલીસ મથક બહારથી પોલીસનું જ વાહન ચોરી કરી ગયાની પોલીસ ફરિયાદ નોંધાઈ છે, વાત કઈક એવી છે કે કેટલાક દિવસ અગાઉ એલીસબ્રીજ પોલીસ સ્ટેશન બહારથી બાઇક ચોરીનો બનાવ બન્યો હતો. પશ્વિમ મહિલા પોલીસ સ્ટેશનમાં કોન્સ્ટેબલ તરીકે ફરજ બજાવતા સાદિક મોહમ્મદ ગુલઝારખાન પઠાણ 19મી સપ્ટેમ્બરના રોજ સવારે ફરજ પર આવ્યા હતા. આ દરમિયાન તેમણે પોતાનું એવિયટર સ્કૂટર મહિલા પોલીસ સ્ટેશનના ફૂટપાથ પર પાર્ક કર્યું હતું.
જોકે,બપોરે જમવાના સમયે ટિફિન લેવા માટે બહાર આવતા તેમનું એવિયટર જોવા મળ્યું ન હતું. જે બાદમાં તેઓએ સીસીટીવી ફૂટેજ પણ તપસ્યા હતા. જોકે, તેમણે જે જગ્યાએ સ્કૂટર પાર્ક કર્યું હતું તે જગ્યા સીસીટીવીમાંમાં દ્રશ્યમાન થતો ના હોવાથી કોઈ હકીકત જાણવા મળી ન હતી. જ્યારે આસપાસમાં ટોઈંગ સ્ટેશન પર પણ તપાસ કરતા સ્કૂટર મળી આવ્યું ન હતું. જે બાદમાં તેઓએ સેટેલાઇટ પોલીસ સ્ટેશનમાં ફરિયાદ સ્કૂટર ચોરીની ફરિયાદ દાખલ કરાવી છે.આમ પોલીસકર્મી નું સ્કુટર પોલીસ મથક બહારથી જ ચોરી થઇ જાય તો આ તે કેવું કહેવાય તેવી ચર્ચાઓ પણ થાય છે.
