Mysamachar.in-અમદાવાદઃ
રાજ્યના 168 પોલીસકર્મીને મુખ્યમંત્રી વિજય રૂપાણીના હસ્તે પોલીસ ચંદ્રક મેડલ એનાયત કરવામાં આવ્યા હતા. અમદાવાદમાં જીએમડીસી ગ્રાઉન્ડ ક્ન્વેન્શન હોલમાં ખાતે યોજાયેલા આ કાર્યક્રમમાં પોલીસ દળના 168 પોલીસકર્મીઓને પોલીસ મેડલ્સ અલંકૃત કરવામાં આવ્યા હતા. આ સન્માન સમારોહમાં જામનગરના ત્રણ પોલીસકર્મીઓ જેમાં વશરામભાઈ મિયાત્રા જેઓએ સ્વૈચ્છિક નિવૃતી લીધી છે. તો મહેન્દ્રભાઈ જેઠવા જેઓ તાજેતરમાં નિવૃત થયા છે, અને અજીત દુબલ કે જેઓ હાલ SPના પીએ તરીકે ફરજ બજાવે છે, તેઓને મેડલ એનાયત કરવામાં આવ્યા હતા. વર્ષ 2014 થી 2019ના સમયગાળા દરમિયાન 15 ઓગસ્ટ અને 26 જાન્યુઆરીના અવસરે જે પોલીસ કર્મચારીઓએ વિશિષ્ટ સેવા આપી છે. તે પોલીસ કર્મચારીઓને પોલીસ પદક એનાયત કરવામાં આવ્યા હતા. આ કાર્યક્રમમાં ગૃહમંત્રી સહિત ઉચ્ચ પોલીસ અધિકારીઓ ઉપસ્થિત રહ્યાં હતા.ત્યારે જામનગરના ત્રણ પોલીસકર્મીઓને સન્માન પ્રાપ્ત થવું જામનગર માટે ગૌરવની વાત છે.
