Mysamachar.in-રાજકોટ:
રાજ્યમાં દિનપ્રતિદિન અને તેમાં રાજકોટ અમદાવાદ હાઈવે પર તો દર થોડા દિવસે અકસ્માતોની એવી ગંભીર ઘટનાઓ સામે આવતી રહે છે જેમાં કેટલાયના જીવનદીપ બુઝાઈ જાય છે, આવી જ વધુ એક ઘટના આજે સવારે સામે આવી છે, રાજકોટ- અમદાવાદ હાઈવે પર માલિયાસણ ગામ નજીક આજે સવારે એક ટ્રક અને બે કાર વચ્ચે ગમખ્વાર અકસ્માત સર્જાયો જેમાં ત્રણ લોકોના ઘટનાસ્થળે જ મોત નીપજ્યા છે. અકસ્માતમાં બે કારનો બુકડો બોલી ગયો છે ઘટનાને પગલે હાઈવે પર ટ્રાફિકજામ થઈ ગયો અને લોકોના ટોળા ઉમટી પડ્યા હતા,
અકસ્માત એટલો તો ગંભીર હતો કે બન્ને કારનું પડીકુ વળી જતા લોકોએ પતરા ખેચીને અંદરથી મૃતદેહોને બહાર કાઢ્યા હતા. અકસ્માત બાદ સ્થાનિક લોકો અને અન્ય વાહનચાલકોએ સાથે મળી મહા મહેનતે મૃતદેહ બહાર કાઢ્યા હતા, માલિયાસણ ગામ નજીક આજે વહેલી સવારે GJ-03-2032 નંબરની રાજકોટ પાસીંગની અને બીજી GJ-13-AR-7353 નંબરની સુરેન્દ્રનગર પાસીંગની કાર સાથે ટ્રકનો અકસ્માત થયો હોવાનું પ્રાથમિક માહિતી મેળવતા સામે આવી રહ્યું છે.
