Mysamachar.in-દેવભૂમિ દ્વારકા:
મુખ્યમંત્રી ભુપેન્દ્ર પટેલે ગાંધીનગર ખાતે દેવભૂમિ દ્વારકા જિલ્લાના જિલ્લા કલેકટર અશોક શર્માના પુસ્તકનું વિમોચન કરી વહીવટી નોકરીની સાથે સાથે લેખન દ્વારા ગીતા જ્ઞાનનો પ્રસાદ વાંચકોને પીરસતા રહો તેવી શુભેચ્છા મુખ્યમંત્રીએ પાઠવી હતી. આ અગાઉ અશોક શર્મા પોરબંદરના કલેક્ટર હતા ત્યારે પણ મુખ્યમંત્રી ભૂપેન્દ્ર પટેલે અશોક શર્મા દ્વારા લેખિત પુસ્તક મોહન સે મોહનનું વિમોચન કર્યું હતું,.
કલેકટર અને જાણીતા આધ્યાત્મિક લેખક અશોક શર્મા દિવ્ય ભાસ્કર, ફુલછાબ સહિત અખબારોમાં ગીતા પર કોલમ લખતાં જેમને વાચકો તરફથી સારો પ્રતિસાદ મળતો હતો. ત્યારે અશોક શર્મા એ ગીતા પરના લખેલા છ પુસ્તકો જીવનગીતા, અધ્યાત્મગીતા, મેનેજમેન્ટ ગીતા, રાષ્ટ્રગીતા, વિશ્વગીતા અને માનવગીતાનું સંકલિત સંપાદન “ગીતાનો જીવનધ્વનિ” પુસ્તકનું મુખ્યમંત્રી ભુપેન્દ્ર પટેલ દ્વારા ગાંધીનગર ખાતે વિમોચન કરવામાં આવ્યું હતું.
