Mysamachar.in-જામનગર:
જામનગર જીલ્લાના ધ્રોલ પંથકમાં વધુ એક હત્યાની ઘટના સામે આવી છે, આજે ધ્રોલ તાલુકાના વાગુદડ રોડ પરથી પરપ્રાંતિય શ્રમિક મહિલાની તિક્ષ્ણ હથિયારના ઘા ઝીંકી હત્યા નિપજાવેલો મૃતદેહ મળી આવતા પોલીસે તપાસ શરુ કરી છે.હત્યાના બનાવની મળતી પ્રાથમિક માહિતી મુજબ, ધ્રોલથી 10 કિ.મી. દૂર વાગુદડ રોડ પરના વાડી વિસ્તારમાં એક મહિલાની તિક્ષ્ણ હથિયારના ઘા ઝીંકી હત્યા નિપજાવેલ હાલતમાં મૃતદેહ મળી આવ્યાની જાણ પોલીસને કરવામાં આવતા પીએસઆઈ પી.જી. પનારા સહિતનો સ્ટાફ તાત્કાલિક ઘટનાસ્થળે દોડી ગયો હતો. જ્યાં પોલીસે સ્થળ પરથી મહિલાના ગળામાં અને માથાના ભાગે તિક્ષ્ણ હથિયારના ઘા ઝીંકી હત્યા નિપજાવેલો મૃતદેહનો કબ્જો સંભાળી તપાસ તજવીજ હાથ ધરી છે.
મૃતક મહિલા મધ્યપ્રદેશની વતની હુંગરીબેન વાસકેલીયા (ઉ.વ.આશરે 30) હોવાની ઓળખ થઈ છે. પોલીસે વધુ તપાસ હાથ ધરતા સામે આવ્યું કે મહિલા તેના પરિવાર સાથે વાડી વિસ્તારમાં ખેતમજૂરી કરતી હતી. જેથી પોલીસે મહિલાના પતિ સરદાર નામના શખ્સની શોધખોળ કરતા તેના પતિનો મોબાઇલ ફોન સ્વીચઓફ મળે છે, અને નાશી ગયો હોવાનું જણાતા પોલીસને પ્રાથમિક તબકકામાં મહિલાના પતિએ જ હત્યા નિપજાવ્યાની આશંકાએ તે દિશામાં તપાસ આરંભી છે.
