શ્રમ આયુક્ત કચેરીના આઉટસોર્સ પટાવાળાએ કળા કરી, મામલો પોલીસ સુધી પહોચ્યો

Mysamachar.in:જામનગર

જામનગર જીલ્લા પંચાયતમાં મસમોટો રેકોર્ડ ચોરી થવાનો મામલો નજર સમક્ષ છે અને ભારે ચર્ચાસ્પદ છે ત્યાં જ જામનગરના અંબર સિનેમા નજીક આવેલ ડાયમંડ માર્કેટ સ્થિત મદદનીશ શ્રમ આયુક્ત કચેરીના આઉટસોર્સ પટ્ટાવાળાએ કળા કર્યાનો મામલો પોલીસ સુધી પહોચ્યો છે આ અંગે પોલીસ મથકેથી જાહેર થયેલ વિગતો એવી છે કે..,

ઇન્ચાર્જ મદદનીશ શ્રમ આયુક્ત જામનગર તરીકે ફરજ બજાવતા આનંદકુમાર કાનજીભાઇ શિહોરાએ સીટી બી ડીવીઝન પોલીસ મથકમાં કિરણ સુરેશ મકવાણા સામે ફરિયાદ નોંધાવી છે કે કિરણ મકવાણા જે મદદનીશ શ્રમ આયુક્તની કચેરી જામનગર ખાતે આઉટ સોર્સ પટ્ટાવાળા તરીકે ફરજ બજાવતા હતા તે સમય દરમિયાન તેણે આ કચેરીમાથી એસ.બી.આઇ. બેન્કના એકાઉન્ટ ના ચેક નં.394620 તથા 394619 બન્ને ચેકો ચોરી કરી ફરીયાદી ઇન્ચાર્જ તેમજ અન્ય અધિકારી રીનાબેન પઢિયારની ખોટી સહીઓ કરી વિશ્વાસઘાત, છેતરપિંડી કરી બન્ને ચેક બેંકમા વટાવી કુલ રૂ.5,40,000/- ની નણાકીય ઉચાપત કરી હોવાનું ધ્યાને આવતા સમગ્ર મામલો પોલીસ સમક્ષ લઇ જવાયો છે.