જામનગરમાં યુવતીની છેડતી,. બાદમાં આ રીતે કરી હત્યાની કોશીશ

Mysamachar.in:જામનગર

જામનગર શહેરના શંકરટેકરી વિસ્તારમાં એક ચોકાવનારી ઘટના સામે આવી છે, જેમાં એક વિધર્મી યુવકે આ વિસ્તારમાં વસવાટ કરતી એક 19 વર્ષીય યુવતીની છેડતી કર્યા બાદ થયેલ બોલાચાલીનો ખાર રાખી અને યુવતી પર પુરપાટ ઝડપે કાર ચઢાવી દઈ હત્યાની કોશીશ કર્યા અંગેની ફરિયાદ સીટી સી ડીવીઝન પોલીસ મથકમાં નોંધાઈ છે જેની વિગતો પર નજર કરવામાં આવે તો…

જામનગર શહેરના શંકરટેકરી વિસ્તારમાં વસવાટ કરતી 19 વર્ષીય યુવતી જે ઘરકામ કરે છે, તેણીને આરોપી ફૈઝલ ઉર્ફે ટીટા ઘણા સમયથી તેણીનો પીછો કરી ત્રણેક દિવસ પહેલા એક્ટીવા રોકાવી હાથ પકડી બળજબરીથી મરડી છેડતી કરેલ હતી, જે બાબતે ફરીયાદી યુવતીને આરોપી ફૈઝલ ઉર્ફે ટીટા સાથે જીભા જોડી થતા તે બાબતનો ખાર રાખી ગતરોજ જાણી જોઇને ફરીયાદી યુવતીને મારી નાખવાના ઇરાદે ફુલ સ્પીડે પોતાની ફોર વ્હીલ કાર ફરિયાદી યુવતી જે આ યુવક દ્વારા છેડતીનો ભોગ પણ બની છે તેના પર ગાડી ચડાવી દઇ શરીરે ઇજાઓ કર્યા સબબની ફરિયાદ આઈપીસી કલમ 307, 354, 354 ડી, 279 મુજબ દાખલ થતા પોલીસ ઇન્સ્પેકટર પી.એલ.વાઘેલા આ કેસની વધુ તપાસ કરી રહ્યા છે.