Mysamachar.in-જામનગર
જામનગર શહેરના સતત ધમધમતા એવા વિસ્તારમાં વૃદ્ધા પાસેથી લુંટની ઘટના સામે આવતા પોલીસે આરોપીને ઝડપી પાડવા જુદી જુદી દિશાઓમાં તપાસ શરુ કરી છે, આ અંગે પોલીસ ચોપડે નોંધાયેલ વિગતો પર નજર કરવામાં આવે તો એસટી ડેપો નજીક હેમાલી એપાર્ટમેન્ટમાં બીજા માળે વસવાટ કરતા વિજયાલક્ષ્મીબેન જનારાધન ક્રીષ્ણભાઇ પિલે ઉવ.75 વાળા વસવાટ કરે છે,
તે પોતાના તારે એક્લા ધરકામ કરતા હોય તે દરમ્યાન એક અજાણ્યા ઇસમ શરીરે કાળા કલરનો રેઇન કોટ તથા મોઢે માસ્ક પહેરેલ ઉ.વ. આશરે 30 થી 35 વર્ષ વાળો ફરીયાદીના મકાનના દરવાજાની ડોર બેલ વગાડી વિજયાલક્ષ્મીબેને દરવાજો ખોલતા આ અજાણ્યા ઇસમે પોતે” GEB માં થી આવુ છું તમારા ઘરનું મીટર ચેક કરવાનુ છે” તેમ કહી ઘરની અંદર પ્રવેશ કરી મકાનનો દરવાજો બંધ કરી ફરીયાદીને છરી બતાવી અવાજ કરીશ તો જાનથી મારી નાખવાની ધમકી આપી ફરીયાદીએ હાથમાં પહેરેલ સોનાની ચાર બંગડીઓ અને ગળામાં પહેરેલ સોનાનો ચેઇન ચાર તોલાનો ચેઈન એમ આઠ તોલા જેટલું સોનું જેની કીમત અઢી લાખ જેટલી ગણાય જેની લુંટ ચલાવી વૃદ્ધાને બેડ રૂમમા પુરી દઈ રૂમનો દરવાજો બહારથી બંધ કરી નાશી ગયાનો મામલો ધ્યાને આવતા તત્કાલ પી.આઈ.એમ.જે.જલુ અને ટીમ સ્થળ પર દોડી ગયા હતા અને ગુન્હો નોંધી વધુ તપાસ શરુ કરી છે.
