Mysamachar.in-પાટણ:
રાજ્યમાં વધુ એક ગોજારા અકસ્માતની ઘટના સામે આવી છે, પાટણ જિલ્લાના સાંતલપુર તાલુકાના હાઈવે પર ગમખ્વાર અકસ્માત સર્જાયો છે. જેમાં ચાર લોકોને જીવ ગુમાવવાનો વારો આવ્યો છે, સાંતલપુર તાલુકાના હાઇવે પર બાબરા ગામના પાટિયા નજીક આ ઘટના બની હતી. ઇકો ગાડી અને ટ્રેલર સામ સામે ટકરાઈ જતા ચાર લોકોના મોત થયા હતા. જ્યારે અન્ય લોકોને ઈજા પહોંચી હતી. ઈજાગ્રસ્તોને સારવાર માટે હોસ્પિટલ ખસેડવામાં આવ્યા હતા. જાણવા મળતી માહિતી મુજબ ઇકો ગાડીમાં સવાર લોકોના મોત નિપજ્યા હતા. ઘટનાની જાણ થતાં પોલીસ અને એમ્બ્યુલન્સો નો કોફલો ઘટનાસ્થળે પહોંચી ગયો હતો.
