Mysamachar.in-વલસાડ
એક તરફ રાજ્યમાં અને ખાસ કરીને દક્ષીણ ગુજરાતમાં ભારે વરસાદ વરસી રહ્યો છે, ત્યારે એક દુખદ કહી શકાય તેવી ઘટના વલસાડથી સામે આવી છે. જેમાં એક જ પરિવારના 3 સભ્યોના વીજકરંટ લાગતા કરુણ મોત નીપજ્યા છે, પ્રાથમિક વિગતો સામે આવી છે તે મુજબ ઘરમાં લાઇટ શરૂ કરતા સમયે વીજ કરંટ લાગ્યાનું પ્રાથમિક દ્રષ્ટિએ સામે આવ્યું છે. લાઇટ ચાલુ કરવા સમયે કરંટ લાગતા માતા-પિતા અને પુત્રના મોત થયા છે. ઘટનાની જાણ થતા મામલતદાર, પોલીસની ટીમ અને સરપંચ ઘટના સ્થળે પહોંચી ગયા છે.વલસાડના પારડી તાલુકાના બ્રાહ્મણ ફળિયામાં રહેતા ઉપેશ પટેલના ઘરમાં લાઇટ શરૂ કરવા સમયે કરંટ લાગતા તેમનું તેમના પત્ની કૈલાશબેન અને તેમના પુત્ર વિરલ ઉપેશભાઈના ઘટનાસ્થળે મોત નિપજ્યા છે, હાલ તો પોલીસે મૃતદેહને પોસ્ટમોર્ટમ માટે મોકલી આપ્યા છે અને આગળની કાર્યવાહી હાથ ધરી છે.
